Dhr Htay Tint ကိုဌေးတင့်

ကိုဌေးတင့်
Dhr Htay Tint
( ဒတ်ခ်ျလို Dhr ဆိုတာ Mr ပါဘဲ။ အထင်မကြီးပါနဲ
နယ်သာလန်မြန်မာတချို့ ချော်လဲ ရောထိုင်ငြိမ်နေကြလို့ )




ဒုတိယပိုင်း



၁၉၆၀ တန်ခူးလ သက်ြန်တွင်းမှာ တောင်ကြီး စပ်စံထွန်းဆေးရုံမှာ မွေးဖွားခဲ့ပါတယ် ။
မွေးချင်း အားလုံး ၈ ယောက်ရှိပါတယ် ။
ကျွန်တော်က ဒုတိယဖြစ်သော်လည်း အကြီးဆုံးက ငယ်ငယ်က ဆုံးခဲ့လို့ 
အကြီးင်္ဆုးလို့ ပြောရင် ရပါတယ် ။
၁၉၈၀ မှာ တောင်ကြီးကောလိပ်ကို သချာ် အဓိကနဲ့ စတက်ခဲ့ပါတယ် ။
၆ လ အကြာမှာ စရိပ်မရှိတော့လို့  မန္တလေး ဒေသကောလိပ်ကို ပြောင်းရွေ့ ခဲ့ပါတယ် ။
၁၉၈၂ မှာ မန္တလေး ဒေသကောလိပ်ပြီးလို့ 
တတိယနှစ်ကို ၇န်ကုန်မှာဓါတုဗေဒ အဓိက ဘာသာနဲ့ ဝင်ခွင့်ရခဲ့ပါတယ် ။
ရန်ကုန်ကို ၁၉၈၂ နှစ်လည်ပိုင်းမှာ မအူမလည်နဲ့ တောသားရန်ကုန် မြို့ တက်ပါတယ် ။
အူကြောင်ကြောင် အတွေ့ အကြုံတွေနဲ့  အတတ အတွေးအခေါ်တွေကြောင့် အသဲကွဲ အရှက်ရဖူးပါတယ် ။
၁၉၈၄ မှာ ဓါတုဗေဒနဲ့ ဘွဲ့ ရပြီး အဓိပတိလမ်း သမိုင်းကဗျာရေးမှုနဲ့ ရေကြည်အိုင်ကို အလည်သွားဖူးပါတယ် ။
နဖုံခါပေးလိုက်လို့  အချောင်စား ဝန်ထမ်း ဘဝကို လုပ်ခွင့်မရှိပါဘူး ။


ကျူရှင်ဆရာဘဝနဲ့ ရပ်တည်ရင်း
အထက်တန်းရှေ့ နေသင်တန်း တက်ခဲ့ပါတယ် ။
ပလပ်စတစ် တင်ဒါရပြီး ဘဝကိုအခြေချမလို့ ပြင်နေဆဲ
စက်မှုတက္ကသိုလ်က မန္တလေး သူငယ်ချင်းအုပ်စုနဲ့ 
မတ်လပြဿနာ အစထဲက လက်သီးဆုတ် အံကြိတ်ပြီး
အမှန်တရား ပေါ်ပေါက်ရေးကို

မြို့ ပြ နောက်ဆုံးနှစ် (၁၉၈၈ စောစောပိုင်း ကာလ)
ကို ဌေးဝင်း (ကျောက်မဲ လက္ဘက်ခြောက်လုပ်ငန်း အုပ်စု)
ကို ညွန့် ဝေ (မန္တလေး သားရေ ဆင်ဖိနပ်လုပ်ငန်း )
ကို အောင်သူကြွယ် (မန္တလေး တက္ကသိုလ် ပညာရေးဝန်ထမ်း အုပ်စု)
ကို ညီညီ ပင်းတယ ( လူမျိုးစု အုပ်စု )

စတဲ့ အထက်မြန်မာပြည်က အုပ်စုနဲ့ တွဲလုပ်ခဲ့တယ် ။
လျို့ ဝှက်စွာ ညီညွတ်ခဲ့ကြပါတယ် ။

နောက်ကွယ်မှာ ဘယ်သူမှ စာရေးပေးမည့် သူတွေလည်းမရှိသေးပါ ။
မင်းနေရာက အထိရောက်ဆုံး ဘာလုပ်နိုင်လဲ ။
ငါတို့ ဘာလုပ်ပေးရင် ရနိုင်လဲ ဆိုတဲ့ 
အလုပ်ဖြစ်မြောက်ရေးမူ တခုထဲ ယခုထိကိုင်ထားပါတယ် ။
ငြင်းတာခုန်တာ ဝါသနာမရှိပါဘူး

လုပ်ရင်းကိုင်ရင်းနဲ့ 
မြန်မာစာနောက်ဆုံးနှစ်က ညီမအရင်းတယောက်
တံတားနီလို့ ခေါ်တဲ့ ဂုဏ်ပြုနေတဲ့ ၈၈ ဂျွန်အရေးအခင်းမှာ
ဝမ်းပိုက်ကို နံပါတ်ဒုတ်နဲ့  အရိုက်ခံရတဲ့ ဝေဒနာနဲ့ 
အတွင်းကြေပြီး ၂လကျော်မှာ ဆုံးပါးခဲ့ပါတယ် ။
၂၀၁၀မှာ တော့ ညီအရင်းတယောက် ခုခံစစ်နွဲရင်း
ဒေါင်းယောင်ဆောင်သော အာဏာနီ အရူးအမိန့် နဲ့ 
တောထဲမှာ အသတ်ခံရတာ ထပ်ကြားရပါတယ်

လှိုင်မြို့ နယ်က တက္ကသိုလ်ကျောင်းသားတစုကို ဦးဆောင်ပြီး
၁၉၈၈ ဇူလိုင်လ မှာ ဆေးခန်းတခု လူနာစောင့်တဲ့ အခန်းမှာ
လှိုင်မြို့ နယ် ကျောင်းသားများသမဂ္ဂ ကိုတည်ထောင်ခဲ့ပါတယ် ။
ရှစ်လေးလုံး လူထုလမ်းမပေါ်ထွက်ခင်မတိုင်က ဖွဲ့ စည်းခဲ့တာပါ ။
မြို့ နယ်က ရွေးကောက်ပွဲလုပ်ခဲ့ရာမှာ
ဥက္ကဌတာဝန်ကို ယူခဲ့ရပြီး
ကိုငြိမ်းချမ်းက အတွင်းရေးမှုး တာဝန်ယူခဲ့ပါတယ်။
၈ သြဂုတ်လ ၁၉၈၈ မှာ အထွေထွေ သပိတ်ကြီးကို စတင်ခဲ့ပါတယ် ။

၂၀ စက်တင်ဘာ ၁၉၈၈ မှာ ဒေါ်အောင်ဆန်းစုကြည် အိမ်မှာ နောက်ဆုံးဆွေးနွေးပြီး
လူမျိုးစု လက်နက်ကိုင် နယ်မြေကို ပြောင်းရွေ့ တိုက်ပွဲဝင် ခဲ့ပါတယ် ။

အတွင်းရေးမှုး လုပ်ငန်းစစ် စခန်းကော်မီတီ ဟွေစေတီ ကရင်နီမှာ တာဝန်ယူခဲ့ပါတယ် ။
စစ်သင်တန်းများ
ပြည်တွင်းလှုပ်ရှားမှုသင်တန်းများ
ရံပုံငွေရှာဖွေရေး နည်းပညာများ
ပို့ ချပေးပြီး ၃၀၃ ကျောင်းသားတပ်မတော်ကို ကူညီတည်ဆောက်ခဲ့ပါတယ် ။

နိူဝင်ဘာ ၁၉၈၈ မှာ စခန်းကတာဝန်ပေးချက်အရ
ကေအန်ယူနယ်မြေက ရေကျော်စခန်း ကျောင်းသားဗဟို အစည်းအဝေးကို ရောက်ခဲ့ပါတယ် ။
ကိုထွန်းအောင်ကျော် ၊ ကိုသန်းဝင်း ၊ ကိုကိုဦး တို့ အဖွဲ့ က နိုင်ငံရေးကို ဦးတည်ကြပြီး
ကျွန်တော်နဲ့  ကိုထွန်းဦး(စက်မှုတက္ကသိုလ်) က စစ်ရေးဆွေးနွေးကာ ကျောင်းသားတပ်မတော်
တပ်ရင်းအလိုက် ဖွဲ့ စည်းပုံရေး စစ်သင်ခန်းစာတွေရေးပြီး ကရင်နီမူလဒေသကို ပြန်ခဲ့ပါတယ်
၁၉၈၈ ဒီဇင်ဘာလမှာမယ်နပလောကို အထူးသင်တန်းတက်ရန် အရွေးခံရပြီး
ပြည်တွင်းက မြို့ နယ်အလိုက် ခေါင်းဆောင်တွေနဲ့  ပြည်တွင်းလူထုလှုပ်ရှားမှုထပ်ဖြစ်ခဲ့ရင်
စစ်ရေးအရ ဦးဆောင်နိူင်ရေး ခြသေ့စီမံချက် သင်တန်းတက်ခဲ့ပါတယ် ။
(၁၉၉၀ ရွေးကောက်ပွဲမှာ အန်အယ်ဒီ နိုင်လို့ စီမံချက်ကြီး ရပ်ခဲ့ပါတယ် )

သင်တန်းပြီးတော့ ကျောင်းသားတပ်မတော်ဗဟိုမှာ ရုံးထိုင်ပြီး
စစ်ရေးကော်မီတီမှာ ကိုဆန်နီနှင့် အတူတာဝန်ယူခဲ့ပါတယ် ။
မင်းသမီးမှာ ကျင်းပခဲ့တဲ့ ကျောင်းသားတပ်မတော်
ဒုတိယအကြိမ် ညီလာခံကို မိုးကဲစခန်း တပ်ရင်း ၂၀၆ တပ်ခွဲ ၄ က ကိုယ်စားအဖြစ် ရွေးတင်ပေးပါတယ် ။
ပြည်တွင်းနိူင်ငံရေးလိုအပ်ချက်ယူဆပြီး လူသိများတဲ့ ကိုမိုးသီးဇွန်ကို အတိုက်အခိုက်ကြားက ဝိုင်းတင်ခဲ့ပါတယ် ။
ညီလာခံကာလမှာ မိုးကဲစခန်းက ကိုစီုးလေး လိုက်လာပြီး ဗဟိုမှာ တာဝန်ယူချင်လို့  လွဲပေးခဲ့ပါတယ် ။

ရာထူးထက် အလုပ်က ပိုအရေးကြီးတယ်လို့  ယခုအထိ ခံယူထားဆဲပါ ။

ကိုစိုးလေးလို ခေါင်းဆောင်ဖြစ်ချင်သူတွေ နအဖကို အဲဒီအချိန်ကထဲက
အခုထိ ခေါင်းဆောင်နေရာက တိုက်ပွဲဝင်နေဆဲ ထင်ပါတယ် ။
အာဏာရူးတွေ ဘာလုပ်ခဲ့လဲ
အဆံမရှိတဲ့ ခေါင်းဆောင်တွေ ဘာတွေ သမိုင်းဝင် မှတ်တမ်းလုပ်ခဲ့လဲ
လုပ်ရင်းကိုင်ရင်းနဲ့  ၈၈အကျဉ်းတန် နှစ် ၂၀ သမိုင်းတပုဒ် ကို ဖြတ်သန်းမိပြီ ။

ပြည်တွင်းခေါင်းဆောင် ကိုသူရိန်က ပြည်ပအကူအညီနဲ့ 
ပြည်တွင်းကို ရနောင်းဘက်က ပြန်ဝင်ရန်လာခေါ်လို့ လိုက်သွားတာ
ဘန်ကောက် ရောက်ပြီး ရွာလည်ကာ ဘဝပျက်မလို ဖြစ်ခဲ့ရပါတယ် ။
ဝရဇိမ် စာစောင်( အေးပက်မှ ဆရာပေါကူညီပေးသူ) လူငယ်လေးများက ကူညီလို့ 
ထမင်းငတ်ပြီး လမ်းဘေးအိပ်တဲ့ ဘဝက လွတ်သွားပါတယ် ။

လပ်စီမှာ ကျောင်းသားတွေစုနေကြရင်း
ပြည်ပရောက် မြန်မာကျောင်းသားများအဖွဲ့ ဖြစ်မြောက်ရေးမှာ ကူညီနေတုံး
ထိုင်းအစိုးရမှာ ထိုင်းမြန်မာ ဘာသာပြန်လိုနေတာနဲ့ 
တောင်းဆိုမှုအရ လုပ်အားပေးခဲ့ရပါတယါ ။

ခပ်တိုတိုပြောရလျှင် ဒုက္ခရောက်လာတဲ့  တော်လှန်ရေးက ရဲဘော်တွေကို ဘန်ကောက်မှာ လှည့်ပြီးကူညီခဲ့ပါတယ် ။
နောက်တော့ မဟာချိုင်ရောက်ပြီး လူထုနဲ့ တသားတည်းနေပြီး လူထုကာကွယ်ရေးနဲ လူထုဦးဆောင်ရေးကို ၁၉၉၉ အထိတာဝန်ယူခဲ့ပါတယ်

သန်းကျော်ဌေး(၆၀၆) နဲ့ မြင့်လှိုင်(၂၀၆) ပြန်ခေါ်လို
့ကျောင်းသားနိူင်ငံရေးလောကကို ပြန်ဝင်ခဲ့တယ် ။
ထိုင်းထောက်လှမ်းရေးက မနီလွိုင်ကို ၁၉၉၉ ဒီဇင်ဘာလမှာ ပို့ လိုက်ပါတယ် ။
အတွင်းရေးမှုးတာဝန်ကို လူမှုရေးဌါန မြန်မာကျောင်းသားများအစည်းအရုံး
မနီလွိုင်ကျောင်းသားများစခန်းမှာ ၂၀၀၀ က တာဝန်ယူခဲ့ပါတယ် ။

၁၇ မေ ၂၀၀၁ မှာ နယ်သာလန်ကို စပြီးအခြေချပါတယ် ။
၂၀၀၃ ဒီပဲရင်းမတိုင်ခင် အထိ
နယ်သာလန်စကား စာပေနဲ့ ဥရောပယဉ်ကျေးမှုတွေသင်နေပါတယ် ။
ဒီပဲရင်း အဖြစ်မှန်ကို စာသင်ခန်းထဲမှာ အင်တာနက် မက်ဆင်ဂျာက
သိရပြီး စာသင်ခန်းကို ကျောခိုင်းကာ ကျောင်းပြစ် မိသားစုပြစ်ပြီး

မြန်မာ့အရေးဟာ ဥရောပ အရေးနဲ့ တရားသားတည်း ဖြစ်ရမယ်မူ ကို
ချပြီး လုပ်ခဲ့ပါတယ် ။

၂၀၀၄ မှာ အထွေထွေအတွင်းရေးမှုးအဖြစ်
မြန်မာဒီမိုကရေစီအင်အားစု(နယ်သာလန်) မှာ တာဝန်ယူခဲ့ပါတယ် ။

၂၀၀၅ မှာ ကျန်းမာရေးအရ အနားယူလိုသော်လည်း
နောက်တက်လာသည့် အထွေထွေအတွင်းရေးမှုးကို လုပ်ငန်းများ ဆက်လုပ်နိုင်ရန်
အတွင်းရေးမှုး နိုင်ငံရေးဌါနကို ၆ လလုပ်ခဲ့ပါတယ် ။
မြန်မာနိုင်ငံသားတွေ ဖွဲ့ စည်းပုံဆွဲရင် အနားယူသွားသူတွေ အတွက်
ဘယ်တော့မှ မဆွေးနွေးကြပါဘူး ။
ဒါကြောင့် တသက်လုံး အာဏာကိုင်ရေးလမ်းစဉ်ကို ဦးစားပေးတာ မဆန်းပါဘူး ။
ယိုယွင်းလာတဲ့ကျန်းမာရေးအရ ဆေးကုသရင်း

(အနှစ် ၂၀ လောက် အရက်သောက်တဲ့ အကျိုးက မှတ်ဥာဏ်တွေတုံးစေကာ
စဉ်းစားရင် လှေနံ ဓါးထစ် ဖြစ်ပြီး တုံ့ ပြန်တာနှေးပါတယ် )

ပြည်တွင်း ထောက်ပံ့ရေးတခုတည်းကို သာဇောင်းပေးခဲ့ပါတယ် ။
၂၀၁၀မှာ တော့ မြန်မာပြည်အတွက်
အုပ်တချပ် သဲတပွင့် တော့ တနေရာရာက တခုခုတော့
ပူးပေါင်းပြီးဆက်လုပ်ချင်ပါသေးတယ် ။
လက်ရှိ အလုပ်ဥပဒေအရ
တရားဝင် နာမည်ထုတ်ပြီး လုပ်ခွင့်မရှိတာကို နားလည်ပေးပါ ။

အနည်းဆုံး - + x ပေါ့

ဌေးတင့်
၁၀ မေ ၂၀၁၀

ကံ့ကောက်လမ်းအလှ အောက်လွာတွေထဲမှာ

မဲပြောင်နေတဲ့ ကတ္တရာလမ်းအောက်မှာ
တဂျေက်ဂျောက်နဲ့ ဟောက်သံလိုလို
အောက်သံကထွက်လာတယ် ။
ဘာသံလဲဟေ့ မေးလိုက်တော့
တဟေးဟေးနဲ့  တေးတွေ ငြီးညူ နေသံ ။
အောက်ဖျံက မေးရိုးချင်းရိုက်သံ
ဘဝက်ညံအောင် တိုးအက်သံ
အရိုးတွေ လေချွန်တာ အမှန်
ဆက်ကာ ဆင့်ကာတွေးလိုက်မိတော့ ။
ဘုသီးကြီးတွေ အရေပြားက
မနားတမ်း ပြေးထွက်လာတယ် ။
တချိန်က အဂ်လိပ် လက်အောက်
မလွတ်မြောက်ခဲ့တဲ့ ဘဝတွေမို့ 
ဒီသဘောက်သားကို နှင်ပစ်ခဲ့ကြ ။
်ရာဇဝင်ကို အသစ်ဖြစ်စေဖို့ 
သခင်သစ်တွေကို မွေးဖွားခဲ့တဲ့နေရာက
ကျောင်းတော်က ပြည်ချစ်တွေ စုစည်း
အနှစ်တွေဘဲ စုပြီး မငြီးးးကြဘူး
ဒို့ အရေးတွေ နောက်မဆုပ်ခဲ့ဖူးလူး။
နာရီတွေ ဆရာတင်တဲ့
အတွေးအခေါ်အရေးတွေ
ဆွေးနွေးပေးတယ်
ဆိုရှယ်လစ်မှာလည်းမနားခဲ့ကြဘူး
ရလိုက်တဲ့ အဖြေသံကတော့
လက်သံပြင်းတဲ့ ဂျီသရီးရဲ့ ကျည်ဆံ ။
ဗုံးဆံတွေ အဆစ်ထဲ့နဲ့ 
ကျောင်းတော်က အသံတွေ
ဘဝက်ညံခဲ့တာ အကြိမ်ကြိမ် ။
မိဘတွေ စည်တီး ပြည်ပြီးအက်ခဲ့တာ အကြိမ်ကြိမ်
ကျန်ခဲ့တဲ့  အရိုးတွေနဲ့  အလောင်း
ကတ္တရာတွေနဲ့ အခါခါလောင်း ။

ဌေးတင့်
(၁၉၈၃ မြင်းခြံ ကိုတင်လှိုင်(ဓါတု)
မထုတ်လိုက်ရတဲ့ ကဗျာစာအုပ်ထဲမှာ ရေးခဲ့ဘူးပါတယ် )


လွန်ခဲ့သူ နှစ်ပေါင်း ၂၀ က သုံးသပ်ချက်ဟာ
အခုလဲ အဲဒီလို လူတွေရှိနေဆဲနော် ။














တချို့လည်း ကြိုးစားနေဆဲ ။ တချို့ လဲ ဒီမိုကရေစီနဲ့ လွတ်လပ်ရေးအတွက်အသက်ပေးခဲ့ကြပြီ ။ ကောင်းတဲ့ဘုံတွေက ဆက်ကူညီကြပါ ။


အပျော်ရှာ နိုင်ငံတကာက လူတသိုက်သို့ 


မြန်မာပြည်အိမ်တခါးမကြီးကို ပိတ်
ခေါင်းမပါတဲ့စစ်သားက သေနပ်ကိုကျည်ထိုးစောင့်ပေး
လူရမ်းကားတွေကခြံပြင် ခြံတွင်းခွေး မဟောင်ရန် ရိုက်သတ်
တရုပ် ရုရှား လောက်ကောင် အားတိုးဆေးနဲ့ 
ရာဂဘီလူး အာဏာရူး စစ်ဗိုလ်တွေက
အဆီတဝင်းဝင်း အသားလေးတင်းနေတဲ့
ဒီမိုကရေစီ မောင်နှမတွေကို
လူမသိအောင် ရိုက်နှက်ပြီး
နဝတ နအခ ကြံ့ဖွတ် စွမ်းအားရှင် တွေလေ
အလှည့်ကျ မုဒိန်းကျင့်လိုက်တာ
အနှစ် ၂၀ ကျော် ကြာသွားခဲ့ပါပြီကော
စားလို့ ဝတော့မှ တော့မှ တရားဝင် လက်ထပ်ဖို့ 
၂၀၁၀ ရွေးကောက်ပွဲနဲ့ ကျင်းပမယ်တဲ့
ပြည်တွင်းက အမေနဲ့ အဘတို့ ကတော့ မတရားရုံးမှာ
ကြိုးစားတာ မရတော့လို့ ဖျာလိပ်ပြီး
လူထုကို ဦးတည်မဲ့ ရပ်ကွက်ထဲဆင်းတော့မယ်
ဘာသာမတူ လူမျိုးကွဲ မောင်နှမတွေကကော
ဘယ်လိုလဲ ဆီပုလင်းလား သေနပ်လား
ဘာကို ရွေးပြီး ဘာကို ပြေးရှာပြီး ပို့ ပေးမှာလား

ဌေးတင့်
(နယ်သာလန် ၇ ဧပြီလ ၂၀၁၀)
Dhr Htay Tint
( Nederland 7 April 2010)