ကမ္ဘာမှာ မြန်မာ ဟေ့လို့  ချီတက်မယ် ။ စိုက်ပျိုးရေး အခြေခံတဲ့ စက်မှုနိုင်ငံ တည်ဆောက်ကြမယ် ။

Monday, July 9, 2012

လူ့ကပ်ပါး သံကောင်


လူ့ကပ်ပါး သံကောင်

      လူ့ကပ်ပါး သံကောင်

   
ယခုအချိန်ကာလသည် တိုင်းပြည်တွင်း၌ အပြောင်းအလဲများ ဆက်တိုက် ဆိုသလို ပေါ်ပေါက်နေချိန်တွင် တော်လှန်ရေး သန့်စင်မှု လုပ်ငန်းတခု အနေဖြင့် စတင်ဖေါ်ဆောင်ရန် လိုအပ်သည်နှင့်အညီ မိမိ၏ အတွေ့အ ကြုံနှင့် ရရှိထားသည့် အချက်အလက်များအား တော်လှန်ရေး အသိုင်းအ ၀ိုင်းနှင့် ပြည်တွင်းရှိ နိုင်ငံရေးခေါင်းဆောင်ကြီးများအား အသိပေး သတိ ပေးခြင်း ပြုလိုက်ပါသည်။
နှစ်ပေါင်း (၂၀) ကျော်တွင် မြန်မာ့နိုင်ငံရေးကို အတိုက်အခံအုပ်စုများနှင့် စစ်တပ်လိုလားသည့် အုပ်စုများ ဖြတ်သန်းကြရာတွင် စစ်ဖက်လိုလား သည့် အုပ်စုသည် အချင်းချင်းစည်းလုံးညီညွတ်ပြီး အကျိုးတူစီးပွားကို ကာကွယ်စောင့်ရှောက်ကြသည်ကို တွေ့ရသည်။
ဥပမာပြရရလျင် စစ်တပ်အရာရှိကြီးများက စီးပွားရေးသမားများကို အခွင့် အရေးများပေး၍ စီးပွားရေးသမားများကလည်း စစ်တပ်အရာရှိကြီးများ အား ပြန်လည်၍ အမြတ်အစွန်းများခွဲဝေကာ အတူတကွစားသုံးကြသဖြင့် ယနေ့ထိ အင်အား တောင့်တင်းခိုင်မာလျှက် ၎င်းတို့၏ ရှေ့လုပ်ငန်းစဉ် များကို ဆက်လက် အကောင်အထည်ဖော်နိုင်ခဲ့သည်။
အခြားတဖက်တွင်ရှိသော အတိုက်အခံအုပ်စုများတွင်မူကား ၎င်းတို့နှင့် ဆန့်ကျင်လျှက် ရှိနေသည်။ ဒီမိုကရေစီအတိုက် အခံ အခြေခံအင်အားစုများကြောင့် အနှစ် (၂၀) အတွင်းတွင် ရရှိလာခဲ့သည့် ဒီမိုကရေစီရရှိရေးအတွက် ပံ့ပိုးမှုများဖြစ် သည့် အမေရိကန်ဒေါ်လာငွေ သန်းနှင့်ချီသည့် ငွေကြေးများ၊ ပညာတော် သင်အခွင့်အရေးများကို လူလည်ကျသော ခေါင်းဆောင်တန်းတွင် နေရာယူထားသည့် နိုင်ငံရေးအဖွဲ့ အစည်းခေါင်းဆောင်များ၊ ကျောင်းသားခေါင်းဆောင်ဟု ကိုယ့် ကိုကိုယ် တံဆိပ်တံထားသူများသာ ရယူခဲ့ကြသည်၊ ခံစားလျှက်ရှိကြသည်။ ဤကဲ့သို့ အခြေခံအခွင့်အရေးများ ညီညွတ်မျှ တမှု မရှိသောကြောင့် အတိုက်အခံအုပ်စုများတွင် အုပ်စုများ အမျိုးမျိုးကွဲကာ မည်သို့မျှ စည်းရုံးညီညွတ်မှု မရဘဲ ပြိုကွဲ လျှက် ညီညွတ်မှုမရှိဘဲ ဖြတ်သန်းနေကြသည်။
ယခုအခါ ထိုအချောင်သမားတို့သည် ဒီမိုကရေစီ အရေးတော်ပုံအတွင်းမှ အခွင့်အရေးများကို အစွမ်းကုန် သုံးစားပြီး နောက် စစ်အုပ်စုနှင့်ပေါင်းကာ တိုင်းပြည်နှင့်လူမျိုးအပေါ် နိုင်ငံရေးဗန်းပြပြီး ဆက်လက်ကိုယ်ကျိုးရှာဖို့ အားထုတ်နေကြ သည်။
ထို့ကြောင့် စာရေးသူအနေဖြင့် ပြည်တွင်းပြည်ပမှ တိုင်းပြည်နှင့် လူမျိုးအပေါ် စိတ်ကောင်း စေတနာကောင်းများဖြင့် ဆောင်ရွက်နေသူများ သကဲ့သို့ နိုင်ငံရေးအကျင့်ပျက်ချစားနေသူများထဲမှ အလွန်အန္တရယ်ကြီးသည်။ လောက်ကောင် တ ကောင်အား ဥပမာ ပေး၍ တင်ပြလိုပါသည်။ ထိုသို့ တင်ပြရခြင်းမှာလည်း တိုင်းပြည်၏ နောင်အနာဂတ်အရေးအတွက် ကျရောက်လာမည့် အန္တရာယ်ဆိုးများကို ကြိုတင်ကာကွယ်နိုင်ရန်အတွက် တင်ပြရခြင်းဖြစ်ပါသည်။
အရင်ဦးဆုံး တင်ပြမယ့် ပုဂ္ဂိုလ်ကတော့ စီးပွားရေးပညာရှင် ဇော်ဦး ပဲ ဖြစ်ပါတယ်။
တကယ်တော့ ဇော်ဦးဟာ ဥပမာနဲ့ ပြာရလျင် တော်လှန်ရေး အစကနဦးကတည်းက ယနေ့ထက်တိုင်အောင် အခွင့်အ ရေးများကို အဆင့်ဆင့်စားသုံး အသက်ရှင်သန်ကြီးထွားလျှက်ရှိနေသည့် လူ၏မစင်နှင့် တိရိစ္ဆာန် မစင်များကြားတွင် သံ သရာလည်ကျက်စားသော ကပ်ပါးသံကောင်များကဲ့သို့ နိုင်ငံရေးအကျင့်ပျက် သံကောင်များထဲမှ သံကောင်တကောင်ဖြစ် သည့် ဇော်ဦး အကြောင်းနှင့် ထိုသူ၏ ကိုယ်ကျိုးရှာလုပ်ရပ်သည် မြန်မာနိုင်ငံ၏ အနာဂတ်အန္တရာယ် ဖြစ်လာနိုင်သည့် အကြောင်းကို ဦးစွာပထမ ဖော်ပြလိုက်ပါသည်။
ကျောင်းသားတပ်မတော် (ABSDF) ဘုရားသုံးဆူစခန်း ပြိုကွဲရခြင်း
၁၉၈၈ ခုနှစ်ကာလ ဇော်ဦးသည် ဘုရားသုံးဆူစခန်း ဥက္ကဋ္ဌ အနေဖြင့်ခံယူကာ အပြည်ပြည်ဆိုင်ရာမှ အထောက်အပံ့အား လုံးကို တဦးတည်းချုပ်ကိုင်ကာ ငွေစာရင်းရှင်းလင်းခြင်း၊ ရရှိသည့် ငွေကြေးပမာဏများအား ရှင်းလင်းစွာ အသိပေးခြင်း တို့ကို လုပ်ဆောင်ခဲ့ခြင်းမရှိဘဲ တာဝန်ခံတဦးအနေဖြင့် ချုပ်ကိုင်ထားကာ စခန်းမှ ရဲဘော်များအား တပည့်မွေး ဆရာမွေး စနစ်ကို ကျင့်သုံးခဲ့ပါသည်။ စခန်းရှိ ရဲဘော်များ ငှက်ဖျားရောဂါ ခံစားနေရမှုများ၊ ငတ်မွတ်ခေါင်းပါးမှုများ ရာသီဥတုဒဏ် များကြောင့် အသေအပျောက်များခြင်း စသည့် ဆင်းရဲဒုက္ခများခံစားနေရချိန်တွင် စခန်းတွင် တပတ်ထက်မကျော်သော ရက်များဖြင့် နေ့လာ ညပျောက် စခန်းဥက္ကဋ္ဌ လုပ်ခဲ့ပါသည်။
စခန်းသို့ လာရောက်စဉ်တွင်လည်း သူ၏အကောင်းစားအ၀တ်အစား အသုံးအဆောင်များအား အ၀တ်အစားအဟောင်း များနှင့် လဲလှယ်ဝတ်ဆင်ပြီး တကယ် ပင်ပင်ပန်းပန်း ပေပေရေရေဖြင့် အများအကျိုး လုပ်နေဟန်ဆောင်ထားသော ရုပ် ဖြင့် စခန်းသို့ ဝင်လာခဲ့ပါသည်။
ဤကာလတွင် ညီညွတ်မျှတမှုမရှိသည့် ဖြစ်ရပ်များမှာ စခန်းရှိ ရဲဘော်များ စားရမဲ့သောက်ရမဲ့ဘဝ ဖြစ်နေချိန်တွင် ၎င်းမှ စခန်းတွင်နေထိုင်မှုမရှိဘဲ စံခရဘူရီမြို့တွင် သူ၏နောက်လိုက်နောက်ပါများဖြင့် ၀ါးဖောင်တည်း ခိုခန်းတွင် ပြည်တန်ဆာ များနှင့် ပျော်ပါးခြင်း၊ ဘန်ကောက်မြို့တည်းခိုခန်းများတွင်လည်း အတိုင်းအဆမရှိ သုံးဖြုန်းစားသောက်နေထိုင်ခဲ့သည်။
မိမိလုပ်ငန်းစစ်ဆေးရေး တာဝန်ယူစဉ်အခါက ABSDF ရုံးခန်းရှိသော်လည်း ဗဟိုနှင့် အဆက်အသွယ်မလုပ်ဘဲ ဘန် ကောက်မြို့ ပါတနာကန် ရပ်ကွက်တွင် အခန်းတခန်းငှားထားကြောင်းကို သိရှိခ့ရဲသည်။ ထိုစဉ်အခါက ဘတ်ငွေ တ သောင်းတထောင် အိမ်လခပေးရန်လိုကြောင်း မိမိအား တင်ပြလာသည်။ ထိုအခန်းသည် ရဲဘော်များ ဘန်ကောက် ရောက်လျင် တည်းခိုရန်အတွက် ဖွင့်ထားသည့်အခန်းဟု သိရှိရသည်။ ထို့ကြောင့် ၎င်းအခန်း ခပေးရန်လိုသည့်အတွက် မိမိအား စိုက်ထုတ်ပေးရန် ပြောသဖြင့် မိမိမှပေးခဲ့ပါသည်။ မယုံကြည်သော်လည်း အုပ်စုကွဲပြီး စခန်းမတည်ငြိ်မ်မှုများ ဖြစ်မည်ကို စိုးရိမ်သဖြင့် ထိုငွေအား ပေးခဲ့ခြင်းဖြစ်သည်။နောင်မှ ထိုအခန်းကို အခြားတနေရာမှ ထောက်ပံ့မှုဖြင့် ငှားထား ကြောင်း သိရှိခဲ့ရ ပြန်ပါသည်။ ၎င်းသည် ထိုအခန်းတွင်နေထိုင်ရုံမျှမက ဦးတင်မောင်ဝင်း၏ နေအိမ်တွင်လည်း တခါတရံ သွားရောက်နေထိုင်ခဲ့ပြီး တယ်လီဖုန်းများကို မြန်မာပြည်သို့ ခိုးဆက်ခဲ့ရာ ဖုန်းဘေလ်ဆောင်သည့် အခါမှ ဘတ် ထောင် သောင်းချီကျနေပြီး ဇော်ဦး ခိုးဆက်ထားမှန်း ဦးတင်မောင်ဝင်း က သိရှိခဲ့သည်ဟု ပြောပြသဖြင့် ABSDF ရဲဘော် တဦး အနေဖြင့် သူ့အစား ရှက်ခဲ့မိပါသည်။
၎င်းမှ စခန်းရှိ ရဲမေများအား ဘန်ကောကသို့ ဆေးကုပေးရန် အကြောင်းပြ၍လည်းကောင်း၊ ဒုက္ခသည် အဖြစ်လည်း ကောင်း လျှောက်ပေးရန် ခေါ်ဆောင်သွားပြီး စခန်းသို့ ပြန်ရောက်လာသည့်အခါ မျက်ရည်နှင့် မျက်ခွက် ဖြစ်နေကြသည် ကို မြင်တွေ့ခဲ့ရသည်။ ထို့အတူ အချို့ မစို့တစို ယောင်္ကျားလေးများပင် အခြောက်ဘ၀သို့ သက်ဆင်းခဲ့ရသည်။ နဂါချိဆန် (ရွှေဝါရောင် တော်လှန်ရေးတွင် ကျဆုံးသွားသော ဂျပန်သတင်းထောက်)နှင့် အဖွဲ့ ဘုရားသုံးဆူစခန်းသို့ လာစဉ် အမဲ သားဝယ်ကျွေးသဖြင့် ရဲဘော်များ တယောက်တတုံး ရကြသည်၊ ထွန်းနိုင် တို့ ညီအကိုက တတုံးပဲ မျှစားကြပြီး ကျန်တ တုံးကို သိမ်းထားရာတွင်၊ ဘောကြီးဆိုသူက ခိုးစားသည်ကိုသိပြီး ထိုးမည်လိုက်သည့်အခါ ကြောက်လန့်စွာထွက် ပြေး သဖြင့် ရန်သူဖမ်းမိကာ အသတ်ခံလိုက်ရသည့် ဖြစ်ရပ်မှာ ရင်နာစရာကောင်းသည်။
စိတ်မကောင်းစရာ ဒီအကြောင်းကို ပြန်ပြောရတာက အဲဒီအချိန်က စခန်းရှိကျောင်းသားတွေရဲ့ ဆင်းရဲခေါင်းပါးလှတဲ့ အချိန်မှာ လူလည်လူလိမ် ဇော်ဦး တယောက်ကတော့ ဘယ်သူတွေ ဘာဖြစ်နေနေ ကိုယ်သက်သာရာ သက်သာကြောင်း
ကောင်းကောင်းနေ ကောင်းကောင်းစားရဖို့ အရှက်မရှိ အဲဒီလို လုပ်ခဲ့တယ်ဆိုတာကို သိစေချင်လို့ တင်ပြရခြင်းဖြစ်ပါ သည်။
ထိုကဲ့သို ရဲဘော်များ ငတ်လွန်မက ငတ်နေသည်၊ ဆားများလွန်သဖြင့် ယင်ကောင်ပင်မနားသည့် “ယင်မနားငပိ” ကို စားခဲ့ရသည့် ဘဝ၊ ဘုရားသုံးဆူတဝိုက် ပေါက်နေသော စိမ်းစိမ်းအပင်မှန်သမျှကို စားနေရသောဘဝ၊ ဝတ်စရာမရှိသဖြင့် မဲနှိုက်၍ ထမီပေါက်လျင် ရသောထမီကိုသာ ဝတ်ရသောဘဝနှင့် ဖြစ်သလိုနေခြဲ့ကသော ရဲဘော်များဘဝကို ဇော်ဦး တို့ က ဂရုမစိုက် အရေးပင်မလုပ်ခဲ့ချေ။
ထိုကဲ့သို့ ABSDF ရဲဘော်များအပေါ် ခုတုံးလုပ်ကိုယ်ကျိုးရှာ အမြတ်ထုတ်သွားသည့် ဇော်ဦးသည် မြန်မာနိုင်ငံသို့ပြန်ပြီး သတင်းမီဒီယာကို အသုံးချ၍ သူသည် ABSDF ခေါင်းဆောင်ဟု ပြောသည်ကို ကြားရသည့်အခါ ကျနော်အပါအဝင် ရဲ ဘော်များ အလွန်ခံပြင်းဒေါသ ထွက်ခဲ့ကြရပါသည်။ ထိုကဲ့သို့ ရဲဘော် ရဲမေများ အားနည်းချက်၊ ငွေကြေး ချို့တဲ့မှုများကို အခွင့်ကောင်းယူခဲ့သည့် တကိုယ်ကောင်းသမား၊ တော်လှန်ရေးရဲဘော်၊ ရဲမေများများအပေါ် စည်းမထားဘဲ လူမှုရေးအရ
အကျင့်ပျက်ဖေါက်ပြန်နေသော ဇော်ဦးအကြောင်းကို၊ ကိုအောင်သူငြိမ်း တို့ (ယခု ဗဟုအဖွဲ့ဝင်များ) မှ သိရှိပြီး စခန်းတွင် စတင်ဆန့်ကျင်လာပြီး ပြဿနာများ တက်လာခဲ့သည်။
ဇော်ဦးနှင့် သူပေးကျွေးထားသော အခွင့်ထူးခံအဖွဲ့နှင့် အခြေအတင်ဖြစ်ပြီးနောက် စခန်းမတည်မငြိမ် စဖြစ်လာခဲ့သည်။
ထို့နောက် ဇော်ဦးအား စခန်းဥက္ကဋ္ဌအဖြစ်မှ ဖြုတ်ချကာ အောင်သူငြိမ်းအား ဥက္ကဋ္ဌအဖြစ် တင်ခဲ့သည်။
ဤအချိန်တွင် အလှူရှင်တချို့မှ စစ်သင်တန်းဆင်းပွဲအတွက် အချိန်မီလှူထားသည့် ယူနီဖောင်းများကို ဇော်ဦးမှ လက်ခံ ထားရှိပြီးဖြစ်သော်လည်း ၎င်းဥက္ကဋ္ဌမဟုတ်တော့သည့်အတွက် စခန်းသုိ့ နောက်ကျမှ ပေးပို့ခဲ့သည်။ ထို့ကြောင့် ရဲဘော် များ ပုဆိုးများနှင့် ခါးတောင်းကျိုက်၍ သင်တန်းဆင်းခဲ့ကြရသည်။ သင်တန်းဆင်းပွဲ ဓါတ်ပုံဖလင်များကိုလဲ မတော်တဆ ဟုဆိုကာ သမိုင်းဝင် ဖလင်မှတ်တမ်းများကို ယုတ်မာစွာ ဖျက်ဆီးပစ်ခဲ့သည်။
ထိုမှစ၍ အောင်သူငြိမ်း တို့သည် ဇော်ဦး၏ ဆန့်ကျင်ဘက် အုပ်စုတစုအနေဖြင့် ရပ်တည်သွားတော့သည်။ ဤပြသနာများ ကြောင့် စခန်းတွင်းရှိ ရဲဘော်အချင်းချင်း အာပီဂျေနှင့် ပစ်ခတ်သည့်အဆင့်သို့ ရောက်ရှိပြီး ဗုံးသီးမပေါက်ကွဲခဲ့သဖြင့်သာ ရဲဘော်များ အသေအပျောက် မဖြစ်ခဲ့သော်လည်း ကြီးမားသည့် စိတ်ဝမ်းကွဲသည့် ပြဿနာဖြစ်ပေါ်ခဲ့ပါသည်။
ထိုကြောင့် …
ဗဟိုမှ တာဝန်ရှိသည့် ဒေါက်တာ သောင်းထွန်းမှ လာရောက်စစ်ဆေးရာ ဒညတမှ ပိုက်ဆံများယူပြီး လူတွင်ကျယ် လာ လုပ်သည့် ဇော်ဦး ကြောင့် ထိုပြဿနာများဖြစ်သည်ကို သိရှိသွားသည်။ ထို့အတူ စခန်းမှ လူများသည်လည်း ဖရိုဖရဲဖြစ် ကာ ဒုက္ခသည်လျှောက်သူများ၊ ပြည်တွင်းပြန်ဝင်သူများ၊ အခြားစခန်းသို့ ပြောင်းရွှေ့ သူများ၊ စခန်းမှ ထွက်၍ ထိုင်းနိုင်ငံ
တွင်းသို့ ၀င်ရောက်အလုပ်လုပ်ကိုင်သူများ အများအပြားဖြစ်လာပြီး စခန်တွင် မိုးဗြဲဒယ်အိုး (၆) အိုးချက်ကနေရာမှ (၂) အိုးသာ ချက်ရတော့သည့် အဖြစ်သို့ ရောက်ခဲ့ရသည်။
ဒီမိုကရေစီညီညွတ်ရေးတပ်ပေါင်းစု (ဒညတ) ပြိုကွဲသွားခြင်း
နောက်ပိုင်းတွင် ငွေကြေးတောင့်တင်းသည့် ဒညတအဖွဲ့တွင် လျှို့ဝှက်အဖွဲ့ဝင်ဘဝမှ အတွင်းရေးမှူးအဖွဲ့ဝင်အဖြစ် ဗြောင် လုပ်ကိုင်လာသည်ကို တွေ့ခဲ့ရသည်။ 
 ဇော်ဦး ဒညတ တွင် နေထိုင်စဉ် ကာလတွင်လည်း အောက်ခြေရဲဘော်များအား ထိုင်းရဲမှ မကြာခဏဖမ်းခံရချိန်တွင် ဇော်ဦးမှ မြန်မာနိုင်ငံကူး လက်မှတ်အတု (Passport) ကို သူကိုယ်တိုင် အတုလုပ် ကိုင်ပြီး (Passport) အတုများကို ထည်လဲကိုင်ဆောင်နေသဖြင့် ရဲဖမ်းခြင်းမှ လွတ်အောင်နေခဲ့သည်။ ထိုသို့ ဇော်ဦး ဒညတ ၀င်ရောက်သွားသည်နှင့် ဒညတတွင်လည်း ငွေကြေးချစားမှုများ၊ မညီညွတ်မမျှတမှုများ ဖြစ်ပေါ်တိုးတက်လာ ကာ အောက်ခြေရဲဘော်များဖြင့် ညီညွတ်ရေး ပြိုကွဲခဲ့ကြရသည်။
နိုင်ငံရေးကျောင်းသားများ၏ အညွန့်ကို ခူးစားခြင်း
၁၉၉၃ ခုနှစ်ကာလများအတွင်း ကျောင်းသားများသည် တောတွင်းတိုက်ပွဲအပြင် ဘန်ကောက်၌ နိုင်ငံရေးတိုက်ပွဲများကို စတင်ဖေါ်ဆောင်လာခဲ့ပေသည်။ ၎င်းကာလများ၌ ထိုင်းနိုင်ငံတွင် နိုင်ငံရေးတိုက်ပွဲများ ဖြစ်သည့် သံရုံးရှေ့ဆန္ဒပြခြင်းများ၊ ထောင်တွင်းနိုင်ငံရေးတိုက်ပွဲများ၊ ထောင်တွင်းအစာငတ်ခံဆန္ဒပြတိုက်ပွဲများကို ဖေါ်ဆောင်ခဲ့ကြသည်။
ထိုအချိန်ကာလတွင် ၎င်းမှ တော်လှန်ရေးနိုင်ငံရေး အသိုင်းအ၀ိုင်းမှ မဟုတ်သောသူများအား ဒုက္ခသည်အဖြစ် လိမ်လည် ၍ ကူညီလျှောက်ထားပေးခြင်းများဖြင့် အဂတိ လိုက်စားခဲ့သည်။ ထိုသို့လျှောက်ထားပေးရာတွင် အမျိုးသမီငယ်များလည်း ပန်းကောင်းအညွန့်ချိုး ခံခဲ့ရသည်။
မြန်မာကျောင်းသားများ၏ ထိုင်းနိုင်ငံတွင်း နိုင်ငံရေးလှုပ်ရှားမှုများကြောင့် Open Society အဖွဲ့ မှ သိရှိလာကာ မြန်မာ ကျောင်းသားများအတွက် ပညာတော်သင် (Scholarship) စကောလားရှစ် အစီအစဉ်များ ပေါ်ပေါက်လာခဲ့သည်။ ထို အစီစဉ်ပေါ်လာခဲ့ရာတွင်လည်း ဇော်ဦးမှ အညွန့်ခူးသွားခဲ့ပြန်သည်။ သူတဦးတည်းမဟုတ် တော်လှန်ရေးကျောင်းသား များအတွက် ပညာသင်ဆုကိုဖြတ်ယူ၍ ပြင်ပအသိုင်းအ၀ိုင်းမှ သူခြေတော်တင်ထားသည့်  မိန်းခလေးငယ်များအပါအ၀င် သူနှင့် လက်သင့်ရာများကို ထည့်သွင်းလျှောက်ထားရယူစေခြင်းဖြင့် အညွန့်ခူးစေသည်။
ကပ်ပါးသံသရာလည်ခြင်း
ထို့နောက် ဇော်ဦးသည် အမေရိကန်နိုင်ငံတွင် ကျောင်းတက်ပြီး အလုပ်အကိုင်မရ ဖြစ်နေချိန်တွင် အင်န်စီဂျီယူဘ်ီထံတွင် အလုပ်သွားလျှောက်ရာ ဒေါက်တာသောင်းထွန်း (ဒညတအား အလွန်မုန်းတီးခဲ့သူ) ဦးစီးသည့် ၎င်းအဖွဲ့မှ ဒညတ ခေါင်း ဆောင်တဦးဖြစ်ခဲ့သည့် ဇော်ဦးအား အလုပ်ခန့်လိုက်သည်။ ထိုမှတဆင့် မြန်မာ့ငွေကြေးရန်ပုံငွေအဖွဲ့  (Burma Fund) ဘာမားဖန်တွင် ဒါရိုက်တာအဖြစ် ရာထူးတိုးမြှင့်ခန့်အပ်လိုက်ပြန်သည်။ ဤအချိန်တွင် အိမ်ယာမြေဈေး အကြီးဆုံးဖြစ် သည့် ၀ါရှင်တန်ဒီစီ နေရာတွင် မည်သို့ကြံဖန်လိုက်သည်မသိ ဇော်ဦး အိမ်တလုံး ပိုင်ဆိုင်သွားတော့သည်။ (ထိုအချိန်က ဒေါက်တာစိန်ဝင်း အိမ်ဌား၍ နေထိုင်နေရဆဲဖြစ်သည်)။
ထိုကာလမှာပဲ ကျနော့် မိတ်ဆွေတဦးဖြစ်သူ အမေရိကန်လူမျိုး မစ္စတာစကော်ဒီ (မြန်မာဗုဒ္ဓဘာသာလေ့လာနေသူ University of Pennsylvania) သည် ဇော်ဦး အိမ်၌ ဇော်ဦး မရှိခိုက်တွင် ဇော်ဦး၏ အဒေါ်ဆိုသူနှင့် အမှတ်မထင်တွေ့ခဲ့ ပြီး ထိုအဒေါ်ဆိုသူမှ သူသည် နအဖအစိုးရမှ ပညာရေးအစီအစဉ်ဖြင့် လွတ်လိုက်သည့် ကိုယ်စားလှယ်ဖြစ်ကြောင်းနှင့် US State Department နှင့် တွေ့ရန် လာသည်ဖြစ်ကြောင်းကို ပြောပြခဲ့သဖြင့် ဇော်ဦးဟာ ထိုစဉ်ကပင် နအဖအသိုင်း အ၀ိုင်းနှင့် အဆက်အသွယ် ရှိကြောင်း သိရှိခ့ရဲသည်။ ထိုကိစ္စကို ကျနော်မှ အင်စီဂျီယူဘီနှင့် ကိုမောင်မောင် တို့ကို သ တင်းပေးပို့ခဲ့သော်လည်း မည်သည့်အရေးယူဆောင်ရွက်ကိုမျှ မပြုလုပ်ခဲ့ကြပါ။
နောက်ပိုင်းတွင် ဘာမားဖန် ဒါရိုက်တာ မြန်မာ့ရံပုံငွေအဖွဲ့ ဦးဆောင်ညွန်ကြားရေးမှူး ရာထူးနှင့်အတူ ဇော်ဦး မည်သို့ လုပ် လိုက်သည်မသိ တိုတောင်းသော အချိန်ကာအတွင်း နောက်ထပ် အိမ် (၁) လုံးနှင့် ကား (၁) စီးကို ပိုင်ဆိုင်ခဲ့တော့သည်။
Burma Fund ဒါရိုက်တာအဖြစ် လုပ်ကိုင်နေစဉ် နှစ် ၂၀ တိုင်တိုင် ငွေစာရင်းရှင်းတမ်းကို သူပြည်သူသို မချပြသည့် ကမ္ဘာ့ သက်တမ်းအရှည်ဆုံး ညွန့်ပေါင်းအစိုးရ ဝန်ကြီးများအဖွဲ့အရှိန်ဖြင့် ပေးလာသော ထောက်ပံ့ငွေများ၊ အဆက်အသွယ်များ၊ ဒိုနာများနှင့် ချိတ်ဆက်မိပြီးသည့်နောက် ဟန်ညောင်ရွှေက အင်န်စီဂျီယူဘီမှ ခွဲထွက်ပြီး Euro-Burma Office ဆိုကာ တစင်ထောင်သလို၊ ဇော်ဦးကလည်း အင်န်စီဂျီယူဘီကို ခြေစုံကန်ပြီး ဘားမားဖန်မှ နှုတ်ထွက်သွားကာ ဟားဗတ်အုပ်စု အားငွေပေးဝယ်ယူခါ ဗဟုအဖွဲ့ကို ဖွဲ့စည်းပြီး တစင်ထောင်လိုက်ပြန်သည်။
ယခင်က ဇော်ဦး ရဲ့ အကျင့်ပျက်မှုကို ဆန့်ကျင်ခဲ့ကြတဲ့ ကိုအောင်သူငြိမ်း၊ ကိုဝင်းမင်း၊ ကိုအောင်နိုင်ဦး တို့သည် ယနေ့ တွင် ဇော်ဦး ကို အလုပ်အကျွေး ပြုနေကြသည့် လခစားများ ဖြစ်နေကြသည်မှာ နားမလည်နိုင်စရာ သံဝေဂတရားလို့ပဲ မှတ်ရပါတော့သည်။
ဤနောက်ပိုင်းတွင် …
ဘားမားဖန်မှ ဇော်ဦးနှင့် ဥရောပ ဟန်ညောင်ဝေတို့ ချိတ်ဆက်ကာ ဘဏ္ဍာရေးသော့ တချောင်းစီ ဖလှယ်လိုက်ကြသည်။ ယခုအချိန်တွင် ဘာမားဖန် ဒါရိုက်တာနေရာတွင် ဇော်ဦး အစား ဒေါက်တာသောင်းထွန်းမှ လုပ်ကိုင်စားသောက်နေသည်။ ဤအချက်များကို ကြည့်လျင် လူ့ဝမ်းထဲမှ မစင်နှင့် ရော၍ကျလာသော ကပ်ပါးကောင် တုတ်ကောင် သန်ကောင် (Paras ites) များကို ကြက်၊ ၀က် ဘဲ ငါး သတ္တ၀ါများမှ စား၍ ထိုသတ္တ၀ါများအား လူများမှပြန်စားကြကာ မစင်နှင့်အတူ သံသရာ လည်နေသော သံကောင်တုတ်ကောင် ကပ်ပါးကောင်များ သကဲ့သို့ ဖြစ်နေသည်ကို တွေ့ရပေလိမ့်မည်။
၎င်း မစင်သံသရာလည် ကပ်ပါးကောင်များဖြစ်ကြသည့် ဇော်ဦးနှင့် ဗဟုအဖွဲ့ဝင်တို့သည် ဟန်ညောင်ဝေတို့နှင့် ပေါင်းစည်း မိကာ မြန်မာ့နိုင်ငံရေးတွင် အရေးကြီးလှသော Vote No, No Vote ကိစ္စတွင် ပညာရှင်များအဖြစ် တစခန်းထ ၀င်ရောက် စွက်ဖက်ကာ ဂန်ဘာရီထံ ၀င်ရောက်ဆက်နွယ်၍ ဂန်ဘာရီ မစင်ပါချရာမှတဆင့် ကြပ်ပြေးအိမ်သာထဲသို့၎င်း ကပ်ပါး ကောင်များ ရောက်သွားတော့သည်။
ထိုမှတဆင့် အီလစ်အဖွဲ့ ကို ၀င်ရောက်ကာ အသက်သွင်း၍ ၂၀၀၈ ခုနှစ် အခြေခံဥပဒေအား ထောက်ခံရန် ကမ္ဘာပတ်၍ စည်းရုံးခဲ့သည်။ ထိုအချိန်ကာလတွင် ဒေါ်အောင်ဆန်းစုကြည် ခေါင်းမာနေသည့်အတွက်ကြောင့် တွေ့ဆုံဆွေးနွေးရေးက ခက်နေတာဟု ဇော်ဦးမှ ကျနော့်အား လော့စ်အိမ်ဂျယ်လီမြို့တွင် ပြောခဲ့ပါသည်။ ဗဟုအဖွဲ့ဝင် အောင်နိုင်ဦး ကလည်း ဆရာ့လေသံနင်းပြီး ဒေါ်စု ခေါင်းမာနေတာကြောင့်ဟု ဆောင်းပါးများရေးခါ ဒေါ်စုကို ဆရာဇော်ဦး အလိုကျ ပုတ်ခတ် တိုက်ခိုက်ခဲ့သည်။
မစင် ကပ်ပါးသံကောင် ဇော်ဦးသည် သူ၏ မိဘ (၂) နှစ်ပါး စစ်တပ်အရာရှိကြီးများ၊ ဦးလေးတော်သူ ဦးလင်းမြိုင် (နအဖ၊ န၀တ သံအမတ်ဟောင်း USA) တို့၏ အရှိန်အ၀ါ အဆက်အသွယ်များနှင့် ဆွေမျိုး မိသင်္ဂဟများမှတဆင့် နိုင်ငံတော် အ ကြံပေးအဖွဲ့၊ အခြားနိုင်ငံရေး ပါတီအဖွဲ့ အစည်းများ၏ အတွင်းသို့ ၀င်ရောက်ကာ တိုင်းပြည်တွင်း၌ ဒုက္ခပေးရန်အတွက် စတင်နေသည်။

ဘရပ်ဆဲလ်တွင်မြန်မာများတွေ့ဆုံဆွေးနွေးပွဲတွင်(ဝဲမှယာ) ရိုဟင်ဂျာ ဥက္ကဋ္ဌ နရူးအစ်စလမ်၊ ကိုတင်မောင်မောင်သန်းနှင့် ဇော်ဦး
ပထမဆုံး ခြေလှမ်းအဖြစ် ကြပ်ပြေးနေပြည်တော်၌လုပ်သည့် အမျိုးသားစီးပွားရေး အလုပ်ရုံအစည်းဝေးတွင် အာဆီယံ စီးပွားရေး ကွန်မြူနတီ (Asian Economic Community)မှ ရေးထားသည့် “အခွင့်အလမ်းနှင့် စိန်ခေါ်မှု” (Opportunity and Challenging) ဆိုသည့်စာတမ်းကို သူရေးထားသယောင်နှင့် ခတ်တည်တည်တက်၍ ဖတ်ခဲ့ပါသည်။
ထိုကဲ့သို့ ပညာခိုးမှု (Plagiarism) လုပ်ဆောင်ခြင်းကို ဘာမှမသိသောနိုင်ငံ ရေးအကြံပေးအဖွဲ့ ဆိုသူများမှ အထင်တကြီး နှင့် ခွင့်ပေးခဲ့သည်ကိုလည်း သတိထားသင့်ပါသည်။
ထို့အတူ သတင်းမီဒီယာများနှင့် ပူးပေါင်းလုပ်ကြံ၍ ဇော်ဦးသည် ABSDF ကျောင်းသားခေါင်းဆောင်ဟု သုံးစွဲထုတ်လွှင့် အင်တာဗျူးနေခြင်းများသည်လည်း လွန်စွာမှ စက်ဆုတ်ရွံ့ရှာဖွယ်ကောင်းသည်။
သို့ဖြစ်၍ မြန်မာနိုင်ငံတွင် အသွင်ကူးပြောင်းရေးကာလ အတွင်း၌ ယခုကဲ့သို့ ပညာရှင်များဟု အရေခြုံကာ မစင်ကပ်ပါး သံကောင်များမှ ၀င်ရောက်လာခြင်းကို ကြီးစွာသတိထားရှိရန် အသိပေးလိုသည်မှာ ၎င်းတို့သည် မည်သည့်လုပ်ငန်း သက်တမ်း အတွေ့အကြုံများ စိုးစဉ်းမျှမရှိခြင်း၊ ကိုယ်ကျင့်တရား ပျက်ပြားနေခြင်း၊ ရဲဘော်ရဲဘက် မောင်နှမသားချင်း စာ နာစိတ်မရှိခြင်း၊ ငွေကြေးချစားခြင်း စသည့်အချက်များနှင့် ပြည့်စုံနေသူများဖြစ်ကြောင်းကို သတိပေးအပ်ပါသည်။
ထို့အတူ ပညာရှင်ဟုဆိုရာတွင်လည်း ဘွဲ့ရကျောင်းပြီးသူများအားလုံးကို ပညာရှင်ဟု မသတ်မှတ်နိုင်သလို ဘွဲ့မရဘဲ ပညာရှင်ဖြစ်သူများလည်း ရှိကြပေသည်။ ဥပမာ အမေရိကန်နိုင်ငံ ကွန်ပြူတာပညာရှင် Steve Job စတီ့ဗ်ဂျော့ ဆိုလျင် တက္ကသိုလ်ဘွဲ့ ကောင်းကောင်း မရရှိခဲ့ဘဲ ကမ္ဘာကျော် ကွန်ပြူတာပညာရှင်တဦး ဖြစ်ခဲ့သည်မှာ သူ၏ကျိုးစားစိတ်၊ ရိုး သားစိတ်နှင့် လုပ်ငန်းကျွမ်းကျင်မှုတို့ကြောင့် ဖြစ်ပေသည်။ ထို့အတူ ကွန်ပြူတာပညာရှင် Microsoft တီထွင်သူ Bill Gate ဘေးလ်ဂိတ် သည်လည်း အပါအ၀င်ဖြစ်သည်။
၎င်းအပြင် မြန်မာနိုင်ငံသား ကိုဖိလစ်မောင် (Phil Maung) (အမေရိကန်နိုင်ငံတွင် ဘွဲ့မရသူ) ကို အမေရိကန်နိုင်ငံ စီးပွား ရေးကျနေချိန်တွင် သူ၏စီးပွားရေးလုပ်ငန်းများ တိုးတက်၍ အအောင်မြင်ဆုံး စီးပွားရေးလုပ်ငန်းရှင်တဦး ဖြစ်လာသည့် အတွက်ကြောင့် အမေရိ ကန်သမတ အိုဘားမားနှင့် လွတ်တော်အဖွဲ့တို့မှ ခေါ်ယူတွေ့ဆုံ ဂုဏ်ပြု၍ စီးပွားရေးပညာရှင်ဟု သတ်မှတ် လိုက်ပါသည်။
 ထို့ကြောင့် ကျနော်တို့ တိုင်းပြည်တွင် ခေတ်နောက်ကျနေသည့် အတွေးအခေါ် တချို့ကို ယနေ့အချိန်ကာလမှာ ပြင်သင့်သည်ကို ပြင်ရမည် ဖြစ်ပါသည်။
နိဂုံးအားဖြင့် ဇော်ဦး တို့လို မစင်စား သံကောင်များရှိသည့် အစာကို စားမိလျင် စားမိသည့် သူများအားလုံး ဒုက္ခဘေးနဲ့ သာ ကြုံတွေ့ရမည်ကို အထက်ဖေါ်ပြပါ အချက်များအရ ဆင်ခြင်သုံးသတ် သတိထားပြီး ဤအန္တရာယ်ကို ကာကွယ်ရန်မှာ တာဝန်သိသူများတွင် တာဝန်ရှိကြောင်းနှင့် နောင်အနာဂတ် တိုင်းပြည်အန္တရာယ်များအတွက် ကြိုတင်ကာကွယ်နိုင်ရန် အသိပေး တင်ပြအပ်ပါသည်။
မူးသာ
၁၀၁ ဘုရားသုံးဆူစခန်း
အောက်တိုဘာလ ၂၅ ရက် ၂၀၁၁ ခုနှစ်။
မှတ်ချက်။
နောင်အနာဂတ်တိုင်းပြည် ဒီမိုကရေစီပြန်လည်ထွန်းကားချိန်တွင် သန့်ရှင်းစင်ကြယ်စွာဖြင့် လုပ်ဆောင်နိုင်ရန် ဖေါ်ပြပါ မစင်စားသံကောင်များကဲ့သို့ နိုင်ငံရေးအကြောင်းပြု အကျင့်ပျက်ချစားနေသူများအား မိမိအနေဖြင့် ဆက်လက်ဖေါ်ထုတ် တင်ပြသွားမည်ဖြစ်ပါသည်။

3 comments:

  1. Hi!Great and interesting blog you have:) Come and visit my site too. http://ads.com.mm/?cid=4fd60e65e4b0fa6db841e338&utm_campaign=ads_mm_lb_blog_martaste&utm_source=ads_lb_blog&utm_medium=lb_blog

    ReplyDelete
    Replies
    1. Thank, I just read it. Htay Tint ( 20 July 2012)

      Delete
  2. ဇော်ဦးသတင်းတွေ ထွက်ပေါ်လာတော့ သူနဲ့ တကျောင်းထဲ နေခဲ့ဘူးသူ တစ်ယောက်က အောက်ပါစာတုိုလေး ပုို့ပေးလုိုက်တယ်။
    ------------------------------------
    ဇော်ဦး ဆိုတဲ့ကောင် က ငါတို.နဲ. တနှစ်ထဲ ဒဂုံ ၁ က။
    ငယ်ငယ်ထဲက စိတ်ပုတ်တယ်၊ မိန်းမ ရှုပ်တယ်၊ စာကတော်တယ်၊ ကျူရှင်မှာ သူများတွေကို ကောင်းကောင်း စာမသင်ရအောင် စကားတအားများတယ်၊၊ ပြီးတော့ စာတော်တဲ့လူတွေကုို ခေါ်ပြီး အရက်သောက်တယ်။ သူများတွေ စာ မလိုက်နိုင်အောင် တမင် ရည်ရွယ်ချက်ရှိရှိနဲ့ လုပ်တာ။ ပြီးမှ သူက ညမှာ ဖင်ထောင်ပြီး ဆရာမ ခေါ်ပြီး အသေစာကျက်တာ။
    အဲဒီကောင်က ငယ်ငယ်ထဲက ဦးနှောက်တော့ကြီးတယ် ၊ ယုတ်မာတဲ့နေရာမှာ။

    ReplyDelete